«Ո՞ վ է կայացրել Ռուբեն Ռուբինյանին ՀՀ-Թուրքիա երկխոսության հայկական կողմի բանագնաց նշանակելու որոշումը, ի՞նչ փաստաթղթով են սահմանվել նրա լիազորություններն ու պարտավորությունները»- ԱԺ-կառավարություն հարցուպատասխանի ժամանակ այսօր նման հարցեր հնչեցրեց «Հայաստան» դաշինքի պատգամավոր Գեղամ Մանուկյանը։
«Ռուբեն Ռուբինյանին այդ կարգավիճակով օժտելու որոշումը ես եմ կայացրել՝ քաղաքական նպատակահարմարությունից ելնելով։ Նա հաշվետու է ինձ, ՀՀ անվտանգության խորհրդին եւ մեծ հաշվով՝ ՀՀ ժողովրդին»,-պատասխանեց վարչապետ Նիկոլ Փաշինյանը։
Գեղամ Մանուկյանը պնդեց՝ գրավոր փաստաթուղթ կա՞․ «Ռուբինյանն այդ բանակցություններում, եթե վտանգավոր որեւէ որոշում կայացրեց, ո՞ւր է Նիկոլ Փաշինյանի ստորագրությունը։ Չկա թուղթ, որ ասենք՝ դու ես գործուղել Ռուբեն Ռուբինյանին»։ Փաշինյանը պատասխանեց․ «Անկախ նրանից, թե ով կբանակցի, պարզ է, որ գործընթացի ողջ պատասխանատվությունը կրում եմ անձամբ ես։ Ես եմ պատասխանատու, ի՞նչ խնդիր կա»։
Կարդացեք նաև
Լուիզա ՍՈՒՔԻԱՍՅԱՆ
