Ա1+. Երեկվանից համացանցում լուրեր էին շրջանառվում, որ փակվել է Արմավիրի մարզի Արշալույս գյուղի արվեստի դպրոցը։
Հիշեցնենք՝ խոշորացումից հետո Արշալույսը ընդգրկված է Խոյ համայնքի կազմի մեջ։
Շրջանառվող լուրի իսկությունը պարզելու համար «Ա1+»-ը կապ հաստատեց Խոյ համայնքի ղեկավար Արգիշտի Մեխակյանի հետ։
«Ես այդ հարցին չեմ կարող պատասխանել, իմ որոշմամբ արվեստի դպրոցի փակվելու որոշում չի կայացվել։ Դուք կարող եք կապվել Արշալույսի համայնքապետարան։ Այնտեղ ավելի կոնկրետ ձեզ կասեն»,- ասաց Խոյ համայնքի ղեկավար Արգիշտի Մեխակյանը։
Կարդացեք նաև
Արշալույսի արվեստի դպրոցից «Ա1+»-ի հետ զրույցում հայտնեցին․ «Այս պահին միայն բանավոր ձևով մեզ տեղյակ են պահել, որ դպրոցը չի գործում։ Ոչ մի փաստաթուղթ չի ներկայացվել։ Ի՞նչ պատճառով և ու՞մ որոշմամբ է փակվել՝ մեզ չեն ասում»։
Նշենք, որ Արշալույս գյուղում է ծնվել գեներալ-լեյտենանտ Մանվել Գրիգորյանը, որը մահացել է 2020 թ․ նոյեմբերի 19-ին։
Նյութն ամբողջությամբ՝ սկզբնաղբյուր կայքում:
