«Ադրբեջանի ոչ կառուցողական դիրքորոշումը խանգարում է եղած խնդիրների՝ կառուցողական մթնոլորտում քննարկմանը եւ բոլորի համար ընդունելի լուծումների փնտրտուքին»,-ԱԺ-կառավարություն հարցուպատասխանի ժամանակ այսօր հայտարարեց ՀՀ ԱԳ նախարար Արարատ Միրզոյանը՝ անդրադառնալով Ադրբեջանի նախագահ Իլհամ Ալիեւի՝ ԵԱՀԿ ՄԽ համանախագահության հասցեին հնչեցրած սպառնալիքներին։
«Միաժամանակ, ոչ միշտ են հրապարակային հայտարարություններն ամբողջությամբ համընկնում փակ սենյակներում քննարկված մոտեցումների հետ։ Մի բան է Ադրբեջանի դիրքորոշումը, մի բան է իրականությունը կամ միջազգային հանրության դիրքորոշումը։ Իրականում, չնայած Ադրբեջանի մեկ տարվա պնդումներին, թե ԼՂ խնդիրը լուծված է, աշխարհը բոլորովին համաձայն չի դրա հետ։ Հերթական ապացույցը անցած դեկտեմբերին Ստոկհոլմում ԵԱՀԿ ամենամյա համաժողովն էր»,-շեշտեց Արարատ Միրզոյանը։
Նա նաեւ հայտնեց, որ ՄԽ համանախագահության ձեւաչափով հանդիպում նախատեսված չէ, փոխարենը կլինի ՄԽ համանախագահների այց տարածաշրջան․ «Հարցը պարբերաբար հետաձգվում էր։ Այցը պետք է տեղի ունենա»։
Կարդացեք նաև
Լուիզա ՍՈՒՔԻԱՍՅԱՆ
