Սպառողների իրավունքների պաշտպանությամբ զբաղվող փորձագետ Բաբկեն Պիպոյանի ֆեյսբուքյան գրառումը
Քանի որ ԱԺ-ն քննարկեց QR-ի հարցը, «պարզ լեզվով» մի բան էլ ես ասեմ: Վաղուց արդեն ապացուցված է, որ պատվաստումը ՉԻ ԿԱՆԽՈՒՄ ոչ վարակվելը և ոչ էլ վարակելը:
Պատվաստման նպատակն է, ըստ էության, «թուլացնել» վիրուսի ազդեցությունը՝ նվազեցնելով հոսպիտալացման և մահվան դեպքերը:
Արդյոք պե՞տք է նվազեցնել՝ իհարկե ՊԵՏՔ է, բայց լրացուցիչ «ազդեցության համեմունքներ» տալ հարկավոր չէ՝ օմիկրոնը լայնորեն տարածվում է նաև պատվաստման բարձր ցուցանիշ ունեցող երկրներում: Իհարկե, արագ տարածվում է, բայց հոսպիտալացման և մահվան դեպքերն անահամեմատ քիչ են: Սրա մասին պետք է խոսել բաց ու անկեղծ՝ առանց կանխարգելման մասին չհիմնավորված հույսեր տալու՝ զուտ փաստերով:
Կարդացեք նաև
Հիմա գամ QR-ին՝ չպատստվաստված մարդը թեստավորվում է ու որպես առողջ գնում ռեստորան, որտեղ իր կողքին նստած է պատվաստված մեր հայրենակիցը, որի առողջ լինելու մասին ոչ մի երաշխիք չկա: Ու պարզվում է, որ մեր պատվաստվածը վարակված է: Պատվաստվածն էլ մեր չպատվաստվածին վարակում է ու «ճանապարհում» տուն: Հաջորդ օրը «դեռ 3օր գործող» բացասական թեստով գնում է աշխատանքի, հետո թատրոն և՝ «դե, բարև Ձեզ, էլի»:
Ամենուր պետք է պահպանել տրամաբանությունը՝ կամ բոլորը ներկայացնում են թեստ, որ առողջ են, կամ պահանջը դառնում է անիմաստ՝ նապաստակի հայտնի անեկդոտի պես՝ միայն փաստաթղթաշրջանառությունն է ավելանում: Կիսահղի չեն լինում՝ ձևից անցեք բովանդակությունը՝ ոչ կատակ եմ անում, ոչ՝ հույս տալիս. փաստում եմ:
