Այսօր Գագիկ Ծառուկյանի հետ խնամիական հարաբերություններ ունեցող ՔՊ խմբակցության պատգամավոր Խաչատուր Սուքիասյանից հետաքրքրվեցինք՝ Քրիստոսի մեծադիր արձանը Հայաստանում կառուցելու Գագիկ Ծառուկյանի նախաձեռնությունից հետո հարց է առաջանում, որ մեր մեծահարուստները ոնց որ չգիտեն իրենց փողերը որտեղ ներդնել, որովհետեւ անգամ եկեղեցականներն են դեմ, դուք ի՞նչ կարծիք ունեք այդ մասին:
Սուքիասյանը պատասխանեց. «Ես ցանկացած մարդու նախաձեռնության դրական եմ վերաբերվում, մնացածը՝ մասնագիտական կառույցների հետ: Ամեն մարդ ինքն է որոշում՝ ինչ է անում: Ցանկացած մարդու միտք, կարծիք ողջունում եմ, եթե դա վնաս չի մեր ժողովրդին»:
Նա նշեց, որ ընդհանրապես արձան կառուցելիս պետք է հասարակության պահանջը լինի. «Այդ պահանջը պետք է հասարակության մոտ հասունանա: Արձաններն են միշտ հասարակության հետ լինում ու հասարակությունը սկսում է սիրել: Օրինակ, Ֆրունզիկ Մկրտչյանի արձանի մոտ ինչքան մարդ է նկարվել, բայց շատ արձանների մոտ չեն նկարվել: Դա հասարակության ցանկությունն է: Դրսում էլ է այսպես, կամ հանրաքվե են անում, կամ սոցիոլոգիական հարցումների միջոցով են պարզում՝ հասարակությունն ինչպես կընդունի»:
Հռիփսիմե ՋԵԲԵՋՅԱՆ
