«Հսկող դատախազը ես չեմ, չեմ կարող գնահատական տալ կոնկրետ գործի մասին հարցադրումներին, բայց եթե ընդհանրական ասեմ, բոլոր գործերի դեպքում այս պահի դրությամբ դատախազությունն իրականացնում է օրենքով վերապահված լիազորություններ՝ այդ թվում կալանքի հետ կապված հարցերն իրացնելու համար»,-լրագրողների հետ ճեպազրույցում այսօր ասաց ՀՀ դատախազության կազմակերպական-վերահսկողական և իրավական ապահովման վարչության պետի տեղակալ Կարեն Ամիրյանը՝ անդրադառնալով հարցադրմանն այն մասին, որ Գորիսի նախկին համայնքապետ Առուշ Առուշանյանը շարունակում է մնալ կալանավորված, մինչդեռ պաշտպանների խոսքով՝ հիմքեր չկան։
«Դատախազության դիրքորոշումը հստակ է։ Որեւէ մեկի համամիտ չլինելը չի նշանակում, թե դատախազությունն իրավաչափ չի գործում»,-կարծիք հայտնեց Կարեն Ամիրյանը։
Ինչ վերաբերում է ազատամարտիկ Աշոտ Մինասյանի հանդեպ քրեական գործին, որի շրջանակում մեղադրյալն ամիսներ շարունակ եղել է ազատության մեջ, հետո կալանավորվել, Կարեն Ամիրյանը նշեց․ «Կոնկրետ գործերի հետ կապված փաստական տվյալներին ես չեմ տիրապետում»։
Կարդացեք նաև
Լուիզա ՍՈՒՔԻԱՍՅԱՆ
