3+3 ձևաչափով երկրորդ հանդիպումն ավելի առարկայական կլինի, մասնավորապես Հարավային Կովկասում հաղորդակցությունների բացման հարցում: Այս մասին հայտարարել է Ադրբեջանի նախագահ Իլհամ Ալիևը տեղի հեռուստաալիքներին տված հարցազրույցում:
3+3 ձևաչափով առաջին հանդիպումը տեղի է ունեցել 2021թ. դեկտեմբերի 10-ին Մոսկվայում: Դրան չի մասնակցել Վրաստանը: Նախատեսվում է, որ երկրորդ հանդիպումը տեղի կունենա Անկարայում:
«Չնայած առաջին հանդիպումը ճանաչողական բնույթ էր կրում, վստահ եմ, որ երկրորդ հանդիպմանը կլինի առավել առարկայական քննարկում, առաջին հերթին հաղորդակցությունների բացման վերաբերյալ»,- ասել է նա:
Ալիև հերթական անգամ նշել է, որ Հայաստանը պետք է հրաժարվի իր «հակաադրբեջանական, իսլամատյաց, հակաթուրական տրամադրություններից»: «Բնականաբար, այդ ձևաչափից կարող է շահել նաև Հայաստանը»,- ասել է Ալիևը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
Լուսանկարը՝ Ադրբեջանի նախագահի թվիթերյան էջից
