Այսօր ԱԺ տնտեսական հարցերի հանձնաժողովի նիստում կառավարությունը քննարկման ներկայացրեց «Առեւտրի եւ ծառայությունների մասին» օրենքում փոփոխությունների նախագիծը, որով նախատեսվում է, որ 200 քմ-ից մեծ խանութներում, առեւտրի կազմակերպություններում այն կաթնամթերքը, որը պատրաստված կլինի կաթնային յուղի (կաթնային ճարպի) փոխարինիչով, անարատ ու բնական հումքով չի լինի, պետք է առանձնացված դարակաշարում տեղադրվի, որպեսզի սպառողը անմիջապես տարբերակի անարատն ու ոչ անարատը: Մինչ այս, գործող օրենքով պարտադիր մակնշում էր սահմանվում, սակայն պրակտիկայում խնդիրներ կային, արտադրողները այնքան մանր էին գրում տուփի վրա, որ քիչ սպառողներ էին խորանում բաղադրության մեջ:
Նախագծով նաեւ սահմանվում է, որ այդ տեսակ կաթնամթերքը պետք է հատուկ տեսակի նշումով լինի՝ ընթեռնելի եւ տեսանելի վայրում պետք է լինի՝«պարունակում է կաթնային յուղի փոխարինիչ»:
Հանձնաժողովում քննարկման ընթացքում որոշեցին 200 քմ-ն փոխել, նախ, փոքր խանութներում հնարավոր չէ այս պահանջն ապահովել ու առանձին դարակաշար նախատեսել, իսկ թե ինչ չափի մեծ խանութների դեպքում պետք է սա կիրառել՝ կքննարկվի առաջինից երկրորդ ընթերցման ընթացքում:
Վահան Քերոբյան
Էկոնոմիկայի նախարար Վահան Քերոբյանն ասաց, որ այսպիսի կարգավորումներ ԵԱՏՄ-ում կան ու սա «միջին բալանսավորված» որոշում է տեղական շուկայի համար:
Կարդացեք նաև
Հռիփսիմե ՋԵԲԵՋՅԱՆ
