Ադրբեջանի պաշտպանության նախարարությունից հայտնել են, որ հայկական կողմից ադրբեջանական դիրքերի վրա կրակոցի հետևանքով ադրբեջանցի զինծառայող է զոհվել:
Նշվում է, որ դեպքը տեղի է ունեցել հունվարի 11-ին՝ կեսօրին, Քելբաջարի հատվածում:
Հիշեցնենք, ավելի վաղ հայտնել էինք, որ այսօր՝ ժամը 15։15-ի սահմաններում, Ադրբեջանի ԶՈՒ ստորաբաժանումները կրակ են բացել Գեղարքունիքի մարզի Վերին Շորժայի հատվածում տեղակայված հայկական մարտական դիրքերի ուղղությամբ, ինչի հետևանքով մեկ զինծառայող ստացել է միջին ծանրության հրազենային վիրավորում։ Հայկական կողմի պատասխան գործողություններով հակառակորդի կրակը լռեցվել է։
Պատրաստեց Վիկտորյա ԱՆԴՐԵԱՍՅԱՆԸ
