ՀՀ ԱԺ ֆինանսավարկային եւ բյուջետային հարցերի մշտական հանձնաժողովը Գեւորգ Պապոյանի նախագահությամբ հունվարի 11-ի նիստում քննարկել է ՀՀ Կենտրոնական բանկի նախագահի տեղակալի թափուր տեղի համար «Քաղաքացիական պայմանագիր» խմբակցության կողմից ներկայացված Հովհաննես Խաչատրյանի թեկնածության եւ Ազգային ժողովին այդ պաշտոնին թեկնածու առաջարկելու վերաբերյալ հարցը:
Մշտական հանձնաժողովի նախագահը ներկայացրել է թեկնածուի կենսագրական տվյալները: Նշվել է, որ Հովհաննես Խաչատրյանը սովորել եւ ավարտել է ԵՊՀ տնտեսագիտության ֆակուլտետը, ունի մագիստրոսի կոչում: Շուրջ վեց տարի աշխատել է ՀՀ ԿԲ վիճակագրության վարչությունում: ԿԲ-ի խորհրդի անդամ է, անկուսակցական:
Գեւորգ Պապոյանը շեշտադրել է թեկնածուի մասնագիտական փորձառությունն ու հավելել, որ նա բոլոր առումներով համապատասխանում է ԿԲ նախագահի տեղակալի պաշտոնին:
Հովհաննես Խաչատրյանն անդրադարձել է ԿԲ-ի գործառնություններին, բաժնետոմսերի եւ կապիտալի շուկաներին: Նա կարեւորել է գլխավոր դրամատան դերը երկրի ֆինանսական շուկայի կայացման ու զարգացման գործում, ընդգծել վարվող դրամավարկային քաղաքականության անհրաժեշտությունը գնաճի դեմ պայքարում:
Կարդացեք նաև
Թեկնածուն պատասխանել է նաեւ պատգամավորների հարցերին:
Հանձնաժողովականները միաձայն կողմ են քվեարկել Հովհաննես Խաչատրյանի թեկնածությանը:
ԱԺ
