Հայաստանի և Թուրքիայի հատուկ ներկայացուցիչները հունվարի 14-ին Մոսկվայում կքննարկեն տարածքների ապաշրջափակման հարցը։ «Ա1+»-ի հետ զրույցի ժամանակ այս մասին ասաց թուրքագետ Նելլի Մինասյանը՝ պարզաբանելով, թե որոնք են լինելու Հայաստանի և Թուրքիայի հատուկ ներկայացուցիչների առաջին հանդիպման օրակարգի առաջանային հարցերը։
Նելլի Մինասյանն, անդրադառնալով Ղազախստանի նախագահի դիմումի հիման վրա ՀԱՊԿ-ի՝ սահմանափակ ժամկետով խաղաղապահներ Ղազախստանի ուղարկելու հանգամանքին, նշեց, որ ՀԱՊԿ-ը մի քայլ առաջ անցավ Թուրքիայից և կարողացավ Ղազախստանում վերահսկողությունն ամբողջությամբ իր ձեռքը վերցնել։ «Նազարբաևը այս տարիների ընթացքում բազմավեկտոր քաղաքականություն է վարել և նրա թուրքամետ դիրքորոշումները բացահայտ են եղել։
Բացի այդ, նա թյուրքական աշխարհի ստեղծման կողմնակիցներից է եղել, և նա ամեն ինչ անում էր, որպեսզի թուրքական ազդեցությունը մեծանա։ Իսկ ղազախստանյան իրադարձությունները ճիշտ հակառակ էֆեկտն ունեցան, որ այդքան հեշտությամբ չեն տեղի ունենալու գործընթացները»,- ասաց փորձագետը և շեշտեց, որ Թուրքիան ու Ադրբեջանը փորձում են Հայաստանին ներկայացնել թշնամի թուրքական աշխարհի համար։
Մանրամասները՝ սկզբնաղբյուր կայքում
