Առողջապահության նախարար Անահիտ Ավանեսյանը լրագրողների հետ զրույցի ընթացքում անդրադարձավ Սահմանադրական դատարանի որոշմանը։
«Առողջապահության նախարարի հրամանը Սահմանադրական դատարանը ճանաչեց սահմանադրական։ Դրա բոլոր պահանջները՝ բացի «իր հաշվին» արտահայտությունից, համապատասխանում են Սահմանադրությանը և գործել են, գործելու են, և հաջորդիվ որևէ փոփոխություն չունենք»,- ասաց նա։
Անահիտ Ավանեսյանը նշեց, որ «իր հաշվին» արտահայտությունը դուրս կգա. «Որ քաղաքացին հենց իր հաշվին և ոչ թե, օրինակ, բարեկամի, բարերարի կամ որևէ այլ անձի հաշվին, որը ցանկություն ունի իր փոխարեն վճարել թեստի համար, նման սահմանափակում չենք կարող մտցնել, ինչը կարծում ենք, իրավաչափ է։ Այո՛, քաղաքացու փոխարեն կարող է նաև իր բարեկամը վճարել թեստի համար։ Պետության կամ գործատուի կողմից նման ծախս վերցնելու վերաբերյալ որևէ բան չկա։ Եվ այն բոլոր ծախսերը, որոնք պետական բյուջեի հաշվին չեն իրականացվում, պարզ է, որ իրականացվում են մասնավոր հիմունքներով քաղաքացիների կամ այլ մարդկանց կողմից»։
Հարցին, թե հստակություն արդյոք կա, թե մոլերի դեպքում QR կոդով է մուտքը լինելու, Անահիտ Ավանեսյանը պատասխանեց. «Արդեն իսկ նախագիծը մշակվել է և շրջանառվել է, և այժմ գտնվում է արդարադատության նախարարությունում։ Վերջնական եզրակացությունը, որ ունենանք, կհրապարակենք, և կմտնի նաև այդ պահանջը։ Պահանջը վերաբերելու է հանրային սննդի վայրերին, մշակութային կենտրոններին։ Մոլերը և խանութները այս պահին նման պահանջ չեն ունենալու»։
Կարդացեք նաև
Ամի ՉԻՉԱԿՅԱՆ
