Aravot.am-ի տեղեկություններով, դեկտեմբերի 29-ին ՀՀ ոստիկանություն է ուղարկվել ՀՀ ԱԱԾ քննչական դեպարտամենտի կողմից ՀՀ քր. օր. 311 հոդվածի 3-րդ մասի 3-րդ կետի մեղադրանքով հարուցված քրեական գործի ձև 1 վիճակագրական քարտը, որի համաձայն՝ Երևանի քաղաքապետարանի ենթակայությամբ գործող «Կարմիր բլուր պոլիկլինիկա» ՓԲԸ և «Բժշկուհի Բադանյան» ՍՊԸ լիազորված անձինք 6 քաղաքացու տրամադրել են «Կովիդ-19»-ի դեմ պատվաստված լինելու վերաբերյալ սերտիֆիկատներ:
Ըստ նույն աղբյուրի, նշված ՓԲԸ մաշկավեներաբան Հովհաննես Դ.-ն, «Այրվածքների ազգային կենտրոն» ՓԲԸ շտապօգնության ծառայության բժիշկ-հերթապահ Վլադիմիր Ծ.-ի օժանդակությամբ, սեպտեմբերի 11-ից մինչև սեպտեմբերի 14-ն ընկած ժամանակահատվածում քաղաքացիներից մեկից պահանջել և ստացել է 100.000 դրամ կաշառք: Քննությունը վարում է ՀՀ ԱԱԾ քննչական դեպարտամենտը:
