«Ամենից քիչ ես կցանկանայի մեկնաբանել Արցախի նախագահի ասածները: Ի՞նչ սպասենք այդ մարդուց. ես չգիտեմ պայմանավորվածության արդյունք է, ի՞նչ նպատակ են հետապնդում, թե ուրիշ հարց է: Ասվել է այնպիսի բան Հայաստանում, որին հնարավոր չէ չարձագանքել, ըստ էության՝ հարցականի տակ է տրվել Արցախի հռչակագիրը: Ի դեպ, ես այդ հռչակագրի հեղինակներից եմ, երկու հոգով ենք գրել՝ ես ու Կարեն Բաբուրյանը»,- այսօր կայացած մամուլի ասուլիսում հայտարարեց ՀՀ երկրորդ նախագահ Ռոբերտ Քոչարյանը՝ պատասխանելով հարցին՝ Արցախի նախագահ Արայիկ Հարությունյանը նախօրեին շատ կոպիտ արձագանքեց Նիկոլ Փաշինյանին. հավանական համարո՞ւմ եք, որ սա կարող է ձևական բնույթ կրել, ինչ-որ վտանգավոր միտում տեսնո՞ւմ եք Արցախը Հայաստանից տարանջատելու առումով:
Այլ մանրամասները՝ տեսանյութում
Ավելի ուշ, Ռոբերտ Քոչարյանն անդրադարձավ Արցախի հարցի շուրջ ստեղծված իրավիճակին՝ նշելով, որ վերջին ասուլիսում Նիկոլ Փաշինյանը ԼՂ կարգավիճակի վերաբերյալ Հայաստանի դիրքորոշմանն առնչվող որոշակիություն մտցրեց. «Արդեն հասկանալի է, որ եթե վարչապետն ասում է, որ 2016-ից որեւէ նույնիսկ տեսական հնարավորություն չկար Ղարաբաղը Ադրբեջանից դուրս կարգավիճակի համար, սա ՀՀ դիրքորոշումն է: Սա նշանակում է, որ Հայաստանը ձեռքերը լվացել է Ղարաբաղից: Այս վերջին հայտարարություններով վարչապետն, ըստ էության, կասկածի տակ դրեց Արցախի սեպտեմբերի 2-ի հռչակագիրը, որը Ղարաբաղի գոյության, ձեւավորման հիմքում է դրված: Կամ չեն հասկանում՝ ինչ են անում, կամ անում են ծրագրավորված»:
Կարդացեք նաև
Նելլի ԳՐԻԳՈՐՅԱՆ
