«Մեր խմբակցության 12 անդամի համար սահմանը փակ է։ Քրգործեր են հարուցված և երկրից դուրս գալու հնարավորություն այդ մարդիկ միևնույն է՝ չունեն: Ըստ էության՝ մենք հայտարարել ենք այդ մասին, բայց իրականության մեջ մի զգալի մասի համար այդ մասնակցության ճանապարհը փակ է, փակ է այս իշխանության կողմից»,- այսօր կայացած մամուլի ասուլիսում հայտարարեց ՀՀ երկրորդ նախագահ Ռոբերտ Քոչարյանը՝ պատասխանելով հարցին, որ իր խոսքում նախագահը քննադատեց իշխանությանը՝ պասիվ արտաքին քաղաքականության համար, մինչդեռ «Հայաստան» դաշինքի կողմից միջազգային կառույցներում խորհրդարանական պատվիրակությունների աշխատանքներին չմասնակցելու որոշում կայացվեց:
«Երբ Սեյրան Օհանյանը չի կարողանում մասնակցել ՀԱՊԿ-ի խորհրդարանական միջոցառումներին, թույլ չեն տալիս, քննիչը համաձայնությունը չի տալիս, Արմեն Գևորգյանը չի կարողանում մասնակցել ԵԽԽՎ նիստին, և այն՝ ինչ արել ենք, արել ենք ստիպելու համար այս իշխանությանը գնալ մի պարզ, տրամաբանական քայլի՝ հանել այդ բոլոր արգելքները «Հայաստան» դաշինքի պատգամավորների համար»,- ասաց Ռոբերտ Քոչարյանը՝ հավելելով, որ ընդդիմադիր խմբակցության անդամները լավագույնս կարող էին օգտագործել միջազգային ամբիոնները. «Իրենց մակարդակով, ի դեպ, մեր ֆրակցիայից ամեն մեկը երևի 4-5 մյուս ֆրակցիայի անդամների հնարավորություն ունի՝ և ինտելեկտուալ, և փորձառության, ամեն ինչով շատ ավելի բարձր մակարդակ ունեն, կարող են շատ ավելի արդյունավետ լինել նաև դրսի աշխատանքներում»։
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
