Այն գործատուները, որոնք իրենց մոտ աշխատանքի կընդունեն պատերազմի արդյունքում հաշմանդամություն ձեռք բերած անձանց, բայց նրանց մոտ աշխատանքային միջավայրը հարմարեցված չի լինի այդ անձանց, կառավարությունը ֆինանսական աջակցություն կտրամադրի, որ այդ միջավայրը հարմարեցվի: Այսօր այս մասին «Արմենպրեսի» մամուլի սրահում կազմակերպված ասուլիսում ասաց աշխատանքի եւ սոցիալական հարցերի նախարար Նարեկ Մկրտչյանը: Նրա ներկայացմամբ, խոսքը վերաբերում է նաեւ 90-ականներից ի վեր ժամանակահատվածին, այսինքն՝ այն անձանց, որոնք մինչ օրս տուժել են ռազմական գործողություններից եւ ձեռք են բերել հաշմանդամություն:
Կառավարությունը գործատուին նաեւ կտրամադրի աշխատավարձից հաշվարկված եկամտային հարկի մինչեւ 100 հազար դրամ փոխհատուցում՝ մեկ տարի ժամկետով: Նարեկ Մկրտչյանն ասաց, ոչ այս ծրագրով շահառուների թիվը մեծ չէ՝ 100 անձ:
Մեկ այլ նախաձեռնությամբ էլ մասնավոր ընկերությունների հետ համագործակցության ծրագիր են սկսել, որով Տեղեկատվական տեխնոլոգիաների խոշոր կազմակերպություններից մեկի հետ իրականացնում են զինվորների համար կրթական ծրագիր, որը նաեւ պրակտիկայի ժամանակահատված պետք է ունենա, նաեւ ընկերությունը երաշխավորել է այդ անձանց ընդունել աշխատանքի:
Կարդացեք նաև
Լուսինե ԲՈՒԴԱՂՅԱՆ
