«Ժողովրդավարության բաստիոնը պարտվում է մի երկրի, որտեղ իշխանությունը ժառանգական է, որտեղ նախագահը նշանակում է փոխնախագահ իր կնոջը, որտեղ տասնյակ լրագրողներ բանտերում են, որտեղ նախագահի ընտանիքը բոլոր օֆշորային սկանդալներում կա»,- այսօր կայացած մամուլի ասուլիսում հայտարարեց ՀՀ երկրորդ նախագահ Ռոբերտ Քոչարյանը՝ նկատելով, որ Հայաստանը շարունակում է պարտվել հակառակորդին՝ քարոզչական պատերազմում:
«Պատերազմի ժամանակ ոչ մի երկիր հանդես չեկավ դատապարտող հայտարարությամբ այն պետությանը, որը սկսել է պատերազմը: Բայց մենք պարտվում ենք նաեւ հիմա»,- ասաց Ռոբերտ Քոչարյանը՝ ուշադրություն հրավիրելով այն փաստին, որ վերոնշյալ չափանիշներով երկրին Հայաստանը քարոզչական պատերազմում եւ առհասարակ, պարտվում է Եվրոպայում:
«Թե ո՞նց ենք պարտվում, ուղղակի չեմ հասկանում»,- ասաց նա:
Ըստ նրա, ՀՀ իշխանությունները անցնող տարվա ընթացքում չեն կարողացել ապահովել անգամ միջազգային հանրության ներգրավվումը՝ գերիների վերադարձն ապահովելու համար:
Կարդացեք նաև
Խոսելով Արցախի հարցի մասին էլ՝ ասաց, որ Հայաստանի գործող իշխանությունը պարզապես ձեռքերը լվացել է Արցախի հարցից՝ կամ չգիտակցելով, կամ՝ միտումնավոր: Երկու դեպքում, էլ նրա գնահատմամբ, մեծագույն խնդիր կա:
Մանրամասները՝ տեսանյութում
Նելլի ԳՐԻԳՈՐՅԱՆ
