Ադրբեջանը բողոքի նոտա է հղել Ֆրանսիայի ժամանակավոր հավատարմատարին՝ կապված Ֆրանսիայի նախագահի թեկնածու Վալերի Պեկրեսի՝ «ադրբեջանական Խանքենդի քաղաք կատարված անօրինական այցի հետ»:
«Ադրբեջանում Ֆրանսիայի գործերի ժամանակավոր հավատարմատարին կանչել ենք Ադրբեջանի ԱԳՆ, որտեղ նրան ենք հանձնել բողոքի նոտա՝ կապված Ֆրանսիայի նախագահ թեկնածու Վալերի Պեկրեսի՝ ադրբեջանական Խանքենդի քաղաք (Ստեփանակերտ-խմբ.) կատարած անօրինական այցի հետ»,- ասվում է ԱԳՆ հայտարարության մեջ:
ԱԳՆ-ում Ֆրանսիայի ներկայացուցչին ասել են, որ նման գործողությունները «վնասում են ադրբեջանա-ֆրանսիական երկկողմ կապերին», ինչպես նաև լրջորեն վնասել են Ֆրանսիայի հեղինակությունը տարածաշրջանում և այն դերակատարությունը, որը նա կարող է ունենալ հայ-ադրբեջանական հարաբերությունների կարգավորման գործում:
Գերատեսչությունից նշել են, որ Պեկրեսը և նրան ուղեկցող Ֆրանսիայի քաղաքացիները ներառվել են Ադրբեջանի ԱԳՆ «սև ցուցակում»:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
