Պրոֆեսիոնալ բռնցքամարտի չեմպիոնական ինը գոտիների տիրակալ, աշխարհի բացարձակ չեմպիոն Վախթանգ Դարչինյանն այսօր Ֆիզիկական կուլտուրայի եւ սպորտի պետական ինստիտուտում հյուրընկալվեց մարզական մայր բուհի ուսանողներին: Նա պատմեց իր անցած մարզական ուղու, դեպի փառքի գագաթ տանող ճանապարհի դժվարությունների, աշխարհի ուժեղագույն պրոֆեսիոնալ բռնցքամարտիկների նկատմամբ տարած հաղթանակների մասին, որից հետո սիրով պատասխանեց ուսանող մարզիկներին հետաքրքրող հարցերին, շփվեց նրանց հետ, տվեց արժեքավոր խորհուրդներ, որոնք հետագայում նրանց շատ են պետք գալու մրցասպարեզներում:
ՖԿՍՊԻ ռեկտոր Դավիթ Խիթարյանը շնորհակալություն հայտնեց Վախթանգ Դարչինյանին՝ ուսանողների հետ հանդիպելու հրավերն ընդունելու համար եւ ինստիտուտի անունից պատվոգիր ու խորհրդանշական հուշանվեր հանձնեց ճանաչված մարզիկին:
Աշոտ ՀԱԿՈԲՅԱՆ
