Ռուսաստանի և Հայաստանի երկարաժամկետ տնտեսական համագործակցությանն ուղղված միջկառավարական ծրագրի նախագիծ է նախապատրաստվել։
Ռուսական կողմը հանդես է եկել Ռուս–հայկական գործարար խորհուրդ ստեղծելու նախաձեռնությամբ, որը կոչված է ընդլայնելու երկու երկրների մարզերի միջև կապերը, ամրապնդել բիզնես–շփումները, համատեղ արտադրություններ հիմնել։ Այս մասին Երևանում հայ–ռուսական միջկառավարական հանձնաժողովի նիստի ընթացքում հայտարարեց ՌԴ փոխվարչապետ Ալեքսեյ Օվերչուկը։
Օվերչուկի խոսքով` այս նախաձեռնությունն աջակցություն է ստացել հայկական կողմից և արձանագրվել միջկառավարական հանձնաժողովի նիստի ամփոփիչ արձանագրության մեջ։
«Մեր երկիրը շահագրգռված է համատեղ առևտուրն ու ներդրումներն ավելի ակտիվ զարգացնելու հարցում։ Ռուսական բիզնեսը կարող է արդյունավետ լուծումներ առաջարկել տրանսպորտային, էներգետիկ, սոցիալական ենթակառուցվածքների, թվային տնտեսության զարգացման առումով», – նշեց ՌԴ փոխվարչապետը։
Կարդացեք նաև
Նրա խոսքով` առևտրատնտեսական համագործակցության աշխուժացման նպատակով մինչև 2025 թվականը Ռուսաստանի և Հայաստանի երկարաժամկետ տնտեսական համագործակցությանն ուղղված միջկառավարական ծրագրի նախագիծ է նախապատրաստվել։ Ձեռք բերած պայմանավորվածությունների համաձայն` այն կստորագրվի մինչև հաջորդ տարվա առաջին եռամսյակի վերջ։
Մանրամասները՝ սկզբնաղբյուր կայքում
