Ավանդույթի համաձայն մարզաշխարհը տարին եզրափակվեց 10 լավագույն մարզիկների մրցույթի ամփոփումով, որին մասնակցեցին ԿԳՄՍ նախարարությունում հավատարմագրված լրատվամիջոցների ներկայացուցիչները եւ ազգային հավաքականների գլխավոր մարզիչները:
Ֆեդերացիաները նախապես ներկայացրել էին մրցաշրջան 2021-ում աչքի ընկած իրենց մարզիկների անունները, որոնցից նախարարությունն ընտրել էր 22-ին: Կանոնակարգում կատարված փոփոխությամբ, այս տարի լավագույն մարզիկ անվանակարգ չկար:
Ստացած ձայների հաշվարկից հետո ամենաշատ միավորներ վաստակած բոլոր տասը մարզիկներն էլ ճանաչվում էին հավասարապես լավագույն: Քվեարկության արդյունքների ամփոփումից հետո ԿԳՄՍ նախարարի տեղակալ Կարեն Գիլոյանը այբբենական կարգով հրապարակեց առավել շատ ձայներ ստացած տասը մարզիկների անունները:
«Տարվա 10 լավագույն մարզիկներ 2021» մրցույթի ցուցակում տեղ զբաղեցրին.
Ալեքսանյան Արթուր՝ հունահռոմեական ոճի ըմբշամարտ
Ամոյան Մալխաս՝ հունահռոմեական ոճի ըմբշամարտ
Բաչկով Հովհաննես՝ բռնցքամարտ
Դանիելյան Էլինա՝ շախմատ
Դավթյան Արթուր՝ սպորտային մարմնամարզություն
Լալայան Վարազդատ՝ ծանրամարտ
Հարությունյան Արսեն՝ ազատ ոճի ըմբշամարտ
Մարտիրոսյան Սիմոն՝ ծանրամարտ
Մինասյան Գոռ՝ ծանրամարտ
Չալոյան Դավիթ՝ բռնցքամարտ
Այս տարի անցկացվեց նաեւ «Մարզասերների համակրանք» անվանակարգով մրցույթը, որտեղ ամենից շատ ձայներ հավաքել էր հունահռոմեական ոճի աշխարհի չեմպիոն Մալխաս Ամոյանը:
Աշոտ ՀԱԿՈԲՅԱՆ
