Ադրբեջանը լցակայան է տեղադրել Գորիս-Կապան ավտոճանապարհին: Ինչպես հաղորդում են ադրբեջանական լրատվամիջոցները, լցակայանը տեղադրվել է «Ղուբաթլուի շրջանի Էյվազլի գյուղում»:
«Լցակայանի ծառայություններից կարող են օգտվել ինչպես ադրբեջանցի վարորդները, այնպես էլ միջազգային բեռնափոխադրումներ իրականացնող ավտոտրանսպորտային միջոցների վարորդները: Լցակայանում նաև կգործի արժեթղթի փոխանակման բանկոմատ»,- ասել է SOCAR ընկերության ղեկավար Ռովնագ Աբդուլլաևը լցակայանի բացմանը:
Կարդացեք նաև
Նա նշել է, որ այս պահին SOCAR-ը նախատեսում է լցակայաններ տեղադրել Շուշիում, Ֆիզուլիում և Աղդամում:
Պատրաստեց Վիկտորյա ԱՆԴՐԵԱՍՅԱՆԸ
