«Հիմա, ի տարբերություն 2008-09 թթ․, իրավիճակն այլ է։ Հայ-թուրքական հարաբերությունների նոր շրջափուլի մասին խոսում են ոչ թե Երեւանում, այլ Անկարայում։
Երեւանից արձագանքում են այն ժամանակ, երբ Անկարան առաջարկ է անում։ ԱԳ նախարարն էլ վերջերս ասել էր, որ գործընթացն առաջ չի գնում, որովհետեւ Թուրքիան Սյունիքում միջանցք է ուզում։ Այսինքն, նման իրավիճակում են գործընթաց սկսել»,-լրագրողների հետ ճեպազրույցում այսօր անդրադառնալով հայ-թուրքական հարաբերությունների երկխոսություն սկսելու գործընթացին եւ դրա հնարավոր ռիսկերին՝ ասաց «Պատիվ ունեմ» խմբակցության պատգամավոր Տիգրան Աբրահամյանը։
«Մեկնարկին արդեն հետքայլ ունենք։ Որեւէ կերպ չի շոշափվում հայկական շահը։ Տնտեսական փաթեթավորմամբ ներկայացվողը երկրի համար սպառնալիք է՝ միջանցքի տեսքով։ Բերձորում մաքսակետերի տեղակայումը կնշանակի ՀՀ-ի եւ Արցախի վերջը։ Ստամոքսային տրամաբանություն են ուզում մեր պարտադրել՝ համոզելով, թե սա կբերի տնտեսական աշխուժության։ Իսկ անվտանգային խնդիրներից չեն խոսում, հայի գոյություն ունենալը հարցականի տակ դնելուց չեն խոսում»,-նշեց Տիգրան Աբրահամյանը։
Կարդացեք նաև
Լուիզա ՍՈՒՔԻԱՍՅԱՆ
