«Խոսքը չի գնում Թուրքիայի հետ չերկխոսելու մասին։ Երբ նախագահ Սերժ Սարգսյանը ֆուտբոլային դիվանագիտություն էր նախաձեռնում, այն նպատակ ուներ առաջնահերթ Թուրքիային զատել Արցախի հիմնախնդրից՝ զրո նախապայմանների տրամաբանություն, Ադրբեջանի հետ կապ չունեցող երկկողմ հարաբերություններ․․․ Հիմա ճիշտ հակառակն է արվում»,-լրագրողների հետ ճեպազրույցում այսօր անդրադառնալով հայ-թուրքական հարաբերությունների երկխոսություն սկսելու վերաբերյալ ՀՀ իշխանության ու Թուրքիայի պատրաստակամությանը՝ ասաց «Պատիվ ունեմ» խմբակցության պատգամավոր Հայկ Մամիջանյանը։
«Խնդիրն այն է, թե ինչ տրամաբանությամբ են կառուցվում այդ հարաբերությունները։ Այս պահին դրանք կառուցվում են Արցախի խնդրի հետ փոխկապակցված, ինչը շատ վտանգավոր է։ Չեմ ասում, որ պետք չի խոսակցությունը բացել, բայց այնպես, ինչպես այս իշխանությունն է դա անում, ինքնասպանություն է»,-համոզմունք հայտնեց Հայկ Մամիջանյանը։
Լուիզա ՍՈՒՔԻԱՍՅԱՆ
