«Բանակցային սեղանի շուրջ հարաբերությունների հաստատմանը գնում են հավասար կարգավիճակում։ Երբ 2008-09 թթ․ մենք ունեցանք նման փորձ, մենք հաղթանակած պետություն էինք, առանց նախապայմանների էինք գնում դրան, աշխարհի մեծամեծերն էլ կանգնած էին»,-լրագրողների հետ ճեպազրույցում այսօր անդրադառնալով հայ-թուրքական հարաբերությունների երկխոսություն սկսելու վերաբերյալ ՀՀ իշխանության ու Թուրքիայի պատրաստակամությանը՝ ասաց ՀՀԿ-ական նախկին պատգամավոր, ԱԺ նախկին նախագահ Սամվել Նիկոյանը։
«Բայց երբ դու պարտված ես, երբ քեզ դա պարտադրում են, ու դու դա ներկայացնում ես որպես խաղաղության ձգտում, ծիծաղելի է։ Խաղաղությունից կարող են խոսել ուժեղներն ու հաղթածները։ Պատերազմից փախչողը խաղաղություն չի գտնում։ Երբ կապիտուլյանտին, պարտվածին տանում են խաղաղություն կնքելու, դա եւս մեկ կապիտուլյացիոն ակտի ստորագրում է»,-համոզմունք հայտնեց նա։
Լուիզա ՍՈՒՔԻԱՍՅԱՆ
