Ժամեր շարունակ Երեւանում քննվեց Վանաձորի նախկին քաղաքապետ, «Մամիկոն Ասլանյան» դաշինքի ղեկավար Մամիկոն Ասլանյանի գործով կալանքը որպես խափանման միջոց կիրառելու վերաբերյալ միջնորդությունը:
Որից հետո քննչական կոմիտեի քննիչի որոշմամբ Ասլանյանը կալանավորվեց:
Սակայն մինչ քննչական կոմիտեն կհրապարակեր որոշումը, Մամիկոն Ասլանյանի պաշտպան Լուսինե Սահակյանը նշում էր, որ չկար մեղադրանքի գոնե մեկ տարր, որը կհամապատասխաներ օրենքին. «Ոչ միայն քննիչը չկարողացավ հիմնավորել, որ մեղադրանքները հիմնավոր են, եւ առնվազն գոնե հիմնավոր կասկածի շեմը կարողանում են հաղթահարել, այլ չէր էլ կարող հիմնավորել: Լավագույն քննիչը դա չէր կարող անել, որովհետեւ այն արարքները, որոնք մեղսագրվում են Մամիկոն Ասլանյանին՝ հանցագործություն համարվել ուղղակի չեն կարող, որովհետեւ ինքը գործել է օրենքով սահմանված կարգով, իր լիազորությունների շրջանակում եւ օրենքի տառին համապատասխան»:
Ավելի ուշ Ասլանյանի պաշտպան Երվանդ Վարոսյանը գրառում կատարեց ֆեյսբուքյան իր էջում դատարանի կայացրած որոշումը որակելով ապօրինի. «Դատարանն ակնհայտ ապօրինի որոշում կայացրեց Մամիկոն Ասլանյանին կալանավորելու մասին։ Քաղաքական պատվերն առայժմ կատարված է։ Առանձնակի ցավում եմ հատկապես դատավոր Արուսյակ Ալեքսանյանի համար։ Համակարգը խժռում է մարդուն, իսկ համակարգին ամեն մեկն ունակ չէ դիմադրել, ամեն մեկը չունի այդ ունակությունը, ամեն մեկը չի կարող լինել դատավոր»:
Կարդացեք նաև
Տաթեւիկ ՂԱԶԱՐՅԱՆ
