«Քննարկումն այլ հունով ընթացավ։ Ցավում եմ, որ նման արձագանքներ եմ լսում, որովհետեւ ՄԱԿ-ի դատարանի որոշումների միջեւ հավասարության նշան դնելու փորձերն աբսուրդի են հասնում։ Չգիտեմ, թե որն է ավելի վատ՝ որ մարդը ծանոթ չէ՞, թե ծանոթ է ու դիտավորյալ խեղաթյուրում է»,-ԱԺ լիագումար նիստում այսօր անդրադառնալով «Պատիվ ունեմ» խմբակցության պատգամավոր Թագուհի Թովմասյանի պնդմանը, թե ՄԱԿ-ի արդարադատության միջազգային դատարանը հավասարության նշան է դրել ՀՀ-ի եւ Ադրբեջանի միջեւ՝ ասաց ՄԻԵԴ-ում ՀՀ ներկայացուցիչ Եղիշե Կիրակոսյանը։
Հիշեցնենք, որ Թագուհի Թովմասյանի հարցադրումը ՔՊ-ականների միջեւ նաեւ բանավեճի առիթ հանդիսացավ․ իշխանականներն ընդդիմադիրներին մեղադրեցին Ալիեւի փաստաբան լինելու մեջ։ «Դա նպաստում է ադրբեջանական թեզին, դա դատապարտելի է»,-հավելեց Եղիշե Կիրակոսյանը։
Նիստը վարող ԱԺ փոխնախագահ Ռուբեն Ռուբինյանը հեգնեց՝ սա թուրք ագենտների բացահայտման հարթակ է, պարոն Կիրակոսյան, այստեղ հիմնականում օրենքներ չեն քննարկվում։
Կարդացեք նաև
Լուիզա ՍՈՒՔԻԱՍՅԱՆ
