«Կառավարությունը շըփ-թըփ կարգով առաջարկում է շատ արագ փոփոխություններ անել «Հանրակրթության մասին» օրենքում։ Իմացեք, որ կառավարությունն ուզում է ողջ կրթական համակարգը գլխիվայր փոխել կառավարման իմաստով։ Երկու տնօրեն են ուզում նշանակել, մեկը՝ որպես կրթական պատասխանատու, մյուսը՝ կուսակցական ենթակա նախարարության կողմից»,-ԱԺ արտահերթ նիստում այսօր հայտարարեց «Հայաստան» դաշինքի պատգամավոր Գեղամ Մանուկյանը։
Ըստ նրա՝ իշխանությունն այսպես կուսակցական ենթակայության տակ է դնելու ողջ կրթական համակարգը․ «Եվ հիմա ուզում են մի քանի ժամում այս նախագիծը սղացնել, դրա համար արտահերթ ռեժիմով են բերում։ Շուտով կպատմեմ, թե ինչպես էր այս դահլիճում նստած մեծամասնության թեկնածու-պատգամավորներից մեկը սեփական ամուսնուն կրթական համակարգում ուզում նշանակել պաշտոնի»։
«Քաղաքացիական պայմանագիր» խմբակցության ղեկավար Հայկ Կոնջորյանն էլ իր հերթին պարզաբանեց՝ կառավարությունն առաջարկել է հետաձգել «Հանրակրթության մասին» օրենքի նախագծի երկրորդ ընթերցումը, ուստի օրենքը քննարկելու բավականին ժամանակ կլինի, հանրային լսումներ եւ ընդդիմության հետ քննարկումներ կլինեն․ «Դավադրության տեսությունները կապ չունեն սրա հետ»։
Կարդացեք նաև
Լուիզա ՍՈՒՔԻԱՍՅԱՆ
