«Պարոն Թեւանյան, ինձ թվում է՝ գիտաֆանտաստիկ ժանրի ինչ-որ ֆիլմեր եք նայել։ Հատկապես, եթե այդ ամենը կապում եք ՔՊ-ի ունեցած հանդիպումների հետ»,-ԱԺ արտահերթ նիստում այսօր անդրադառնալով «Հայաստան» դաշինքի պատգամավոր Անդրանիկ Թեւանյանի հայտարարությանն այն մասին, որ Ժիրայր Լիպարիտյանը, իր բնորոշմամբ, թուրքական գործակալ է, եւ նրա հետ հանդիպում ունեցած ՔՊ-ն ընդունել է Թուրքիայի նախապայմանները, այդ թվում՝ Սյունիքով միջանցքի տրամադրումը՝ ասաց ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը։
Նա նշեց, որ ՔՊ-ական պատգամավորները տարբեր շրջանակների գիտնականների եւ վերլուծաբանների հետ են հանդիպում, որոնք մտահոգ են երկրի ապագայով․ «Կոռեկտ չէ ձեր կողմից նման եզրահանգումներ անելը։ Կոռեկտ չէ այս ամբիոնից քաղաքական բայղուշություն անել այսպես կոչված միջանցքների եւ նման երեւույթների մասին։ Առաջարկում եմ վերջ տալ քաղաքական բայղուշությանը եւ խոսել իրական փաստերի մասին»։
Լուիզա ՍՈՒՔԻԱՍՅԱՆ
