ՀՀ-ում ՌԴ դեսպան Սերգեյ Կոպիրկինի գնահատմամբ, «3+3» տարածաշրջանային համագործակցության ձեւաչափը հայ-ռուսական փոխգործակցությունը զարգացնելու ևս մեկ հարթակ է: Այսօր լրագրողների հետ զրույցում ՌԴ դեսպանը կարծիք հայտնեց, որ այդ հարթակում շփումները տարածաշրջանի երկրների փոխհարաբերություններում պետք է, որ դրական միտումներ ավելացնեն. «Այս ձեւաչափի արժեքը երկխոսության հնարավորություն տալու մեջ է, այն հարցերի շուրջ, որոնք հետաքրքրում են տարածաշրջանի բոլոր երկրներին։ Ձեւաչափը պետք է դրական միտում մտցնի տարածաշրջանի երկրների փոխհարաբերություններում»:
Հիշեցնենք, ձեւաչափի առաջին հանդիպումը՝ վերափոխված «3+2»-ի, կայացավ Մոսկվայում դեկտեմբերի 10-ին՝ Հայաստանի, Ռուսաստանի, Իրանի, Ադրբեջանի եւ Թուրքիայի փոխարտգործնախարարների մակարդակով։ Վրաստանի ԱԳՆ-ն հայտարարել էր, որ չի պատրաստվում մասնակցել այս հարթակին:
Նելլի ԳՐԻԳՈՐՅԱՆ
