Եվրոպական խորհրդարանի արտաքին հարաբերությունների հանձնաժողովը Դեյվիդ Մաքալիսթերի ղեկավարությամբ պատրաստել է տարեկան զեկույց, որում Սոցիալ-դեմոկրատական խմբակցության առաջարկով ներառվել է նաև հայ ռազմագերիների վերադարձը պահանջող և հակամարտության խաղաղ կարգավորմանն ուղղված դրույթ:
Նախագծում կոչ է արվել Եվրամիության, նրա անդամ երկրներին, անվտանգության և արտաքին քաղաքականության հարցերով գերագույն հանձնակատարին ակտիվ ներգրավվել՝ գտնելու երկարաժամկետ կարգավորում Հայաստանի և Ադրբեջանի միջև Լեռնային Ղարաբաղի հարցում և կանխելու տարածաշրջանում հետագա էսկալացիան: Մասնավորապես, կոչ է արվում ճնշում գործադրել Ադրբեջանի և Հայաստանի վրա՝ լուծելու հետպատերազմյան հարցերը, այդ թվում սահմանների դեմարկացիան, և ազատ արձակել մնացած բոլոր ռազմագերիներին:
Նախագծում նշված է, որ ԵԱՀԿ Մինսկի խումբը շարունակում է մնալ միջազգայնորեն ճանաչված միակ ձևաչափը հակամարտության լուծման համար, ինչը պետք է հիմնված լինի տարածքային ամբողջականության, ուժի չկիրառման, ինքնորոշման և հավասար իրավունքների, ինչպես նաև հակամարտության խաղաղ կարգավորման վրա, և հիշեցնում են, որ այն պետք է վերադառնա իր միջնորդական դերակատարությանը:
Նախատեսվում է, որ զեկույցը կընդունվի Եվրոպական խորհրդարանի լիագումար նիստում 2022թ. հունվարին:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
