«Իշխանությունը քողարկում է հետընտրական շրջանի ապօրինությունները, որոնք կատարվում են ոչ միայն Վարդենիսում, այլեւ ՀՀ ողջ տարածքում՝ հատկապես այն համայնքներում, որտեղ իշխող ուժը չի կարողացել վերցնել 50+ ձայն»,-ԱԺ լիագումար նիստում այսօր անդրադառնալով Վարդենիսի նախկին համայնքապետի ձերբակալմանը՝ հայտարարեց «Հայաստան» դաշինքի պատգամավոր Արծվիկ Մինասյանը։
«Այն մյուս ուժերը, որոնք փորձում են ժողովրդավարությանը բնորոշ կոալիցիաներ ձեւավորել, իշխանական բոլոր լծակներով, իրավապահներով նրանց հանդեպ տոտալ ճնշում է իրականացվում, այդ թվում՝ ապօրինի, քրեական անցյալ ունեցող անձանց ներգրավմամբ»,-ասաց Մինասյանը։
Նրա խոսքով՝ այն բնակավայրերում, որտեղ ոչ իշխանական ուժերն են հաղթել, ճնշումների արդյունքում փորձ է արվում իշխանությունը նորից կենտրոնացնել ՔՊ-ի ձեռքում․ «Նման ահաբեկչական գործողությունները դադարեցնելու համար քայլեր պետք է ձեռնարկենք»։
Իր հերթին ՔՊ-ական պատգամավոր Վահագն Ալեքսանյանը նշեց․ «Երբ 2018թ․-ից պաշտոնական չարաշահումների գործով անցնող մեկին առաջադրում եք թեկնածու, հավանական է, որ ինչ-որ պահի նրան կալանավորելու միջնորդություն կլինի։ Այլ է հարցը, որ բացի քրեական անցյալ ունեցողներից՝ այլ թեկնածուներ չեն գտնվում»։
Կարդացեք նաև
Լուիզա ՍՈՒՔԻԱՍՅԱՆ
