«Հայրենիք» կուսակցության անդամ Արսեն Բաբայանը «Հայելի» ակումբում անդրադարձավ երեկ ԱԺ-ում քաղաքական մեծամասնության պատգամավորների կողմից ընդդիմադիր պատգամավորների օգնականների նկատմամբ կիրառված ֆիզիկական բռնությանը:
Նա ասաց. «Երբ դահլիճում կրքերը բորբոքվում են, իսկ մենք տեսել ենք նաեւ աշխարհում, որ խորհրդարաններում վեճեր ծեծկռտուքներ են լինում, քաղաքական առումով, գուցե կարելի է համարել հնարավոր երեւույթ, թեեւ մենք շատ լավ գիտենք, որ ՀՀ ԱԺ նիստերի դահլիճում հայտնի ծեծկռտուքը կազմակերպված բնույթ էր կրում: Բայց երբ պատգամավորները ուրիշ պատգամավորների օգնականներին խաբելով կանչում են աշխատասենյակ եւ խմբով հարձակվում, մտածողությունը, որ կարելի է այս ճանապարհով հարցեր լուծել, խոսում է այն մասին, որ մենք ընդհանրապես կորցրել ենք պետական մտածողության բոլոր տեսակի դրսեւորումները, չնայած, վստահ եմ, որ չեն էլ ունեցել, պետական ամբողջ համակարգը:
Կա մի տարբերակ. անպայման պետք է լինի քաղաքական պատասխանատվություն: Իրավական պատասխանատվությունը սահմանադրությամբ եւ օրենքներով պարտադիր կիրառման ենթակա հարց է, թեեւ վստահ չեմ, որ կլինի: Քաղաքական պատասխանատվությունն այստեղ իմ համար իրավականից շատ ավելի կարեւոր է: Եվ որպես քաղաքական պատասխանատվության միջոց օգնականների նկատմամբ ֆիզիկական բռնություն կիրառած, կամ այդ իրավիճակը ստեղծած պատգամավորները պետք է առնվազն մանդատ կրելու իրավունք չպետք է ունենան: Որեւէ դեպքում երբեւէ արդարացված չի կարող լինել պատգամավորի կողմից ֆիզիկական բռնության կիրառումը: Երեւի մինչեւ վերջերս դա հայհոյանքն էր եւ, այո, հայհոյանքը արժանապատվություն ունեցող յուրաքանչյուր տղամարդու մեջ ուժի կիրառումով պատասխանելու անհրաժեշտություն է առաջացնում: Բայց դուք եք հայհոյանքը քրեականացրել: Այսինքն, եթե նրանք հիմա պնդում են, թե հայհոյանքի համար է կռիվ տեղի ունեցել, դուք եք ընդունել օրենքը, հաղորդում ներկայացնեիք հանցագործության մասին: Այսինքն, սա էլ է կեղծ: Գիտենք, որ սրանք կեղծել են ամեն ինչ:
Եթե այստեղ չլինի քաղաքական պատասխանատվություն, սա պարզ կնշանակի, որ այսուհետ Հայաստանի Հանրապետության իշխանությունը՝ քաղաքական մեծամասնությունը, հաստատում է փողոցային կանոններով գործելու թույլատրելիություն: Եվ եթե այդպես է, ապա իշխանությունը պետք է պատրաստ լինի ծեծ ուտելու, պետք է իմանա, որ շուտով ծեծ է ուտելու, որովհետեւ ինքն է հաստատում այդ կանոնները»:
Կարդացեք նաև
Աշոտ ՀԱԿՈԲՅԱՆ
