«Միջադեպի գլխավոր հերոսը, որը «Հայաստան» խմբակցության պատգամավորներից մեկի օգնականն է, հանդիսանում է մի մարդ, որն անցնում է նոյեմբերի 9-ի գիշերվա զանգվածային անկարգությունների գործով որպես մեղադրյալ, այդ թվում՝ ԱԺ նախկին նախագահ Արարատ Միրզոյանի մահափորձի գործով եւ «Ազատություն» ռադիոկայան ներխուժման փորձով է նա մեղադրյալ»,-ԱԺ լիագումար նիստում այսօր անդրադառնալով ԱԺ-ում երեկ տեղի ունեցած ծեծկռտուքին՝ ասաց «Քաղաքացիական պայմանագրի» պատգամավոր Էդուարդ Աղաջանյանը։
«Ես չեմ մեղադրում «Հայաստան» խմբակցության պատգամավորներին՝ նման մարդկանց իրենց օգնական նշանակելու հարցում։ Ավելի շատ դժգոհ եմ իրավապահ մարմիններից, որովհետեւ ենթադրվում է, որ նման խուլիգանական պահվածք ցուցաբերած անձինք ԱԺ միջանցքներում ազատ պտտվելու փոխարեն պետք է որ ՔԿՀ-ներում հիմա պատիժ կրեին»,-հավելեց Էդուարդ Աղաջանյանը։
Հիշեցնենք՝ «Հայաստան» խմբակցության ղեկավար Սեյրան Օհանյանն այսօր իշխանությանը դիմելով՝ կատարվածն իրենց հանդեպ կազմակերպված խուլիգանություն որակեց։
Կարդացեք նաև
Լուիզա ՍՈՒՔԻԱՍՅԱՆ
Իմիջայլոց, ի՞նչ նորություն կա կեղծ (ֆալյշ) պապիկից….