ՀՅԴ Արևելյան Ամերիկայի երիտասարդական միությունը և մի շարք հայ ուսանողական կազմակերպություններ բաց նամակով դատապարտում են Միացյալ Նահանգներում Ադրբեջանի դեսպան Խազար Իբրահիմին հարթակ տրամադրելու մասին Փրինսթոնի համալսարանի որոշումը։ ԱՄՆ Փրինսթոնի համալսարանը նախատեսում է ընդունել Ադրբեջանի դեսպան Խազար Իբրահիմին՝ Կովկասում «Խաղաղության և համագործակցության» հարցերը քննարկելու համար:
Նամակում ուսանողները համալսարանին կոչ են անում չեղարկել հանդիպումը.
«Ինչպես գիտեք, Փրինսթոնի համալսարանը ներկայացրել է «մարդկությանը ծառայելու» իր հանրային պարտավորությունը: Հոգաբարձուների խորհրդի փոխնախագահ Բրենթ Հենրին կոչ է արել «ծառայել մարդկությանը և օգնել աշխարհն ավելի լավը դարձնել»։ Ադրբեջանի Հանրապետությունը ճիշտ հակառակն է պնդում։ Ալիևի ռեժիմը և նրա ներկայացուցիչները զրկվել են «խաղաղության և համագործակցության» անվան տակ խոսելու ցանկացած իրավունքից։
Մենք կոչ ենք անում Փրինսթոնի համալսարանին՝ չեղարկել այս ռասիստական և վիրավորական դասախոսությունը: Եթե դա չհաջողվի, մենք խնդրում ենք, որ Փրինսթոնի համալսարանը նույնքան մեծ հարթակ կտրամադրի Ադրբեջանի կառավարությանը քննադատող ձայների համար»,- նշված է նամակում:
«Փրինսթոնի անդրտարածաշրջանային ուսումնասիրության ինստիտուտին և Փրինսթոնի ֆակուլտետին,
Մենք՝ ներքոստորագրյալ կազմակերպություններս, գրում ենք՝ արտահայտելու մեր հակազդեցությունը Փրինսթոնի համալսարանի որոշմանը։ Կառավարությունը, որը ներկայացնում է դեսպանը, իրականում ուղղակիորեն և բռնությամբ է հանդես եկել թե՛ խաղաղության, թե՛ համագործակցության շահերի դեմ։
Կարդացեք նաև
Ինչպես լայնորեն փաստագրվել է, Ադրբեջանը, թուրքական ծայրահեղական վարձկանների աջակցությամբ, անթիվ ռազմական հանցագործություններ է կատարել Արցախի ժողովրդի դեմ 2020 թվականի պատերազմից առաջ և հետո։ Մինչ օրս Ադրբեջանը շարունակում է ներխուժել հայկական ինքնիշխան տարածք, ապօրինի պահել ու դաժան վերաբերմունք ցուցաբերել հարյուրավոր ռազմագերիների:
Ադրբեջանի վարած քաղաքականությունը հիմնովին փաստաթղթավորված է մեր իսկ կառավարության և առաջատար իրավապաշտպան կազմակերպությունների կողմից.
Այսպես
Պետքարտուղարություն. ԱՄՆ Պետդեպարտամենտի Մարդու իրավունքների վերաբերյալ վերջին զեկույցում Ադրբեջանի վերաբերյալ նշում է «Մարդու իրավունքների զգալի խնդիրները, ներառյալ՝ «ապօրինի կամ կամայական սպանությունները. խոշտանգումներ, կամայական կալանք, քաղբանտարկյալներ, քաղաքական դրդապատճառներով հաշվեհարդար, ազատ արտահայտման, մամուլի և ինտերնետի խիստ սահմանափակումները, ներառյալ լրագրողների նկատմամբ բռնությունը, զրպարտության և զրպարտության քրեականացումը, կասկածելի մեղադրանքներով լրագրողների ոտնձգությունն ու կալանավորումը և կայքերի արգելափակումը, համակարգային իշխանության կոռուպցիա.
Freedom House. կազմակերպությունը Ադրբեջանին գնահատում է որպես ոչ ազատ՝ նշելով, որ «Ադրբեջանի ավտորիտար ռեժիմում իշխանությունը շարունակում է մեծապես կենտրոնացված մնալ Իլհամ Ալիևի և նրա ընտանիքի ձեռքում։
Amnesty International. «Արցախում ադրբեջանական զինուժը ռազմական հանցագործություններ է կատարել. Մի քանի ստուգված տեսանյութեր պատկերում էին ռազմագերիների և այլ գերիների նկատմամբ դաժան վերաբերմունքը, գլխատումները և զինվորների դիակների պղծումը»։
Human Rights Watch. «Ադրբեջանի կառավարությունը շարունակում է դաժան ճնշումներ գործադրել քննադատների և այլախոհների դեմ։ Անկախ ակտիվության, քննադատական լրագրության և ընդդիմադիր քաղաքական գործունեության դաշտը փաստացիորեն մարվել է, քանի որ բազմաթիվ ակտիվիստներ, իրավապաշտպաններ և լրագրողներ ձերբակալվել և բանտարկվել են, և [կան] լրատվամիջոցների ազատությունների սահմանափակումներ»:
Ստորագրյալ կազմակերպությունների կարծիքները պաշտպանվում են Միացյալ Նահանգների Ներկայացուցիչների պալատի կողմից, որը վերջերս հինգ ուղղում է ընդունել 2021-2022 թվականների Ազգային պաշտպանության լիազորման ակտում (NDAA): Դրանց թվում էին Ադրբեջանից հայ ռազմագերիներին ազատ արձակելու պահանջով և ադրբեջանական ռազմական հանցագործությունների հետաքննություն անցկացնելու պահանջով:
Մենք գրում ենք այս նամակը, ցավոք, տեղյակ լինելով Փրինսթոնի համալսարանի պատմությանը՝ որպես Հայոց ցեղասպանության ժխտողականության օջախ, հատկապես այն սկանդալը, երբ լայնորեն քննադատված ժխտողական Հիթ Լոուրին նշանակվել է օսմանյան և ժամանակակից թուրքագիտության պրոֆեսոր:
Ինչպես գիտեք, Փրինսթոնի համալսարանը ներկայացրել է «մարդկությանը ծառայելու» իր հանրային պարտավորությունը: Հոգաբարձուների խորհրդի փոխնախագահ Բրենթ Հենրին կոչ է արել «ծառայել մարդկությանը և օգնել աշխարհն ավելի լավը դարձնել»։ Ադրբեջանի Հանրապետությունը ճիշտ հակառակն է պնդում։ Ալիևի ռեժիմը և նրա ներկայացուցիչները զրկվել են «խաղաղության և համագործակցության» անվան տակ խոսելու ցանկացած իրավունքից։
Մենք կոչ ենք անում Փրինսթոնի համալսարանին գիտակցել, թե որքան վտանգավոր և վիրավորական են այս քայլերը հայկական ծագումով իր ուսանողների և տեղի հայ համայնքի համար, և կոչ ենք անում համալսարանին չեղարկել այս ռասիստական և վիրավորական դասախոսությունը: Եթե դա չհաջողվի, մենք խնդրում ենք, որ Փրինսթոնի համալսարանը նույնքան մեծ հարթակ կտրամադրի Ադրբեջանի կառավարությանը քննադատող ձայների համար:
Հայ Երիտասարդական Դաշնակցություն, Արեւելյան ԱՄՆ
Հայ ուսանողական միացյալ միություն
