«Երկրաշարժից տուժած բոլոր քաղաքացիներն ապահովվել են բնակարանով։ Այսինքն, պետությունն այդ ընտանիքների հանդեպ պարտք չունի։ Բայց մենք, ինչպես գիտեք տնակային ավաններում ունենք ընտանիքներ, որ ապրում են եւ դա կառավարության ու մարզպետարանի ուշադրության կենտրոնում է»,-խոսելով Լոռիում 88-ի երկրաշարժից տուժած ընտանիքներին բնակարանով ապահովելու մասին, Aravot.am-ի հետ զրույցում ասաց Լոռու մարզպետ Արամ Խաչատրյանը։
Նա նշեց, որ կառավարությունը փորձում է հնարավորինս արագ խնդրի լուծումը գտնել. «Այս պահին Վանաձորից 16 ընտանիք պատրաստվում է տեղափոխվել քարե բնակարան։ Եվ վստահ եմ, որ սա շարունակական բնույթ է կրելու։ Այս խնդիրը մենք շուտով կհամարենք փակված եւ լուծված»։
Մարզպետի խոսքով` Վանաձորում, ընդհանուր առմամբ դեռևս մոտ 90 ընտանիք կարիք ունի տեղափոխվելու քարե բնակարան։ Իսկ մարզում նրանց թիվը հասնում է 180-ի։
Կարդացեք նաև
Տաթեւիկ ՂԱԶԱՐՅԱՆ
Լուսանկարները` Լոռու մարզպետարանի
