Ասֆալտի համար միլիարդներ կան, իսկ ռազմարդյունաբերության համար գումարը հայթայթում են վերաբաշխումներով. «Փաստ»

Հայաստանում ռազմարդյունաբերության ոլորտում առաջնահերթ խնդիրների կարգավորման նպատակով Բարձր տեխնոլոգիական արդյունաբերության նախարարությունը 10 միլիոն 224 հազար դրամ հատկացման համար դիմել է կառավարությանը։
Նախարարության հիմնավորմամբ՝ գումարի հատկացումն անհրաժեշտ է Ռազմարդյունաբերության կոմիտեի կանոնադրական խնդիրները պատշաճ և ժամանակին իրականացնելու համար։

Ուշագրավ է, որ ռազմարդյունաբերության ոլորտում առաջնահերթ խնդիրների կարգավորման նպատակով գումարը հայթայթել են միջծրագրային վերաբաշխումների հաշվին. ասել է թե՝ 2021 թվականի բյուջեով ԲՏԱ նախարարությանը հատկացված որոշ ծրագրեր չեն կատարվել, կամ կատարվել են նվազ ֆինանսավորմամբ, որպեսզի տնտեսվի գումար, որից էլ 10 միլիոն 224 հազար դրամն ուղղել են ռազմարդյունաբերության առաջնահերթություններին։

Ստացվում է՝ պետական բյուջեն ու պահուստային ֆոնդը կա՛մ դատարկ են այն աստիճան, որ պատերազմից հետո Հայաստանի թիվ մեկ առաջնահերթությանը ուղղված միջոցները ստիպված են հայթայթել տնտեսումների հաշվին, կա՛մ դրանք ստորադասվում են բազմամիլիոն դոլարների հասնող մեկ անձից գնումներին ու ասֆալտապատվող ճանապարհներին: Հավանաբար այն սկզբունքով, որ ասֆալտապատումն ավելի շուտ և շատ է աչքի զարնում, քան ռազմարդյունաբերության զարգացումը:

Հիշեցնենք, որ ասֆալտապատումների համար գումար հայթայթվում է ոչ թե միջծրագրային տնտեսումների հաշվին, այլ հատկացվում է կա՛մ պետական բյուջեից, կա՛մ կառավարության պահուստային ֆոնդից։

Կարդացեք նաև

Ինչ է լինելու «Յալթայից» առաջ

• 10:00 10.12.2024

Առանց դիմադրության և «կրակոցների» մեկ ​​օրվա ընթացքում հակառակորդը չէր կրի նման քանակի կորուստներ. թվեր ու փաստեր՝ ընդդեմ կեղծիքի. «Սիվիլնեթ»

• 10:15 30.11.2024

«Փաշինյանը եւ նրա գաղափարակից պաշտոնյաները ենթարկվելու են պատասխանատվության՝ Արցախն Ադրբեջանին հանձնելու, մեր զինվորներին զոհաբերելու համար»․ Բազեյան

• 15:54 27.11.2024

Աղավնի ՍՈՒՔԻԱՍՅԱՆ
Հոդվածն ամբողջությամբ՝ «168 ժամ» թերթի այսօրվա համարում։