ՏԻՄ ընտրությունները չե՞ն ապացուցում Էդմոն Մարուքյանի թեզը, որ երբ Ռոբերտ Քոչարյանն ու Սերժ Սարգսյանն իրենց դեմքով չեն մասնակցում ընտրություններին, Նիկոլ Փաշինյանը պարտվում է: Այսօր լրագրողի այս հարցին ի պատասխան՝ «Հայաստան» խմբակցության պատգամավոր Ագնեսա Խամոյանն ասաց. «Էդմոն Մարուքյանը մասնակցել է խորհրդարանական ընտրություններին, որեւէ մեկը չի բռնել նրա ձեռքը ու ասել՝ այ դու չմասնակցես ընտրություններին, միայն «Հայաստան» դաշինքը եւ ՔՊ-ն են մասնակցելու: Այս ՏԻՄ ընտրություններին էլ է մասնակցել Էդմոն Մարուքյանը ու իր հայրենի Վանաձորում մեկ ձայն է հավաքել՝ ավագանիում մեկ ներկայացվածություն է ունենալու: Դա կեղծ թեզ է, թե իրենց դեմքով չեն մասնակցել: Փաստն այն է, որ ամենամեծ ընդդիմադիր ուժը «Հայաստան» դաշինքն է, ոչ թե ԼՀԿ-ն»:
Խամոյանն ասաց, որ եթե Ռոբերտ Քոչարյանը չմասնակցեր ԱԺ ընտրություններին, ասելու էին՝ չմասնակցեց ու թույլ տվեց, որ Նիկոլ Փաշինյանի իշխանությունը վերարտադրվի, որովհետեւ նա նորից իշխանություն էր վերցնելու:
Արթուր Խաչատրյանն էլ ասաց՝ այդ թեզը, որ եթե չլինեին «հները», ՔՊ-ն չէր անցնի, ճիշտ չէ, «սպեկուլյացիա» է, որովհետեւ մարդիկ ընտրության մեծ հնարավորություն ունեին:
Կարդացեք նաև
Հռիփսիմե ՋԵԲԵՋՅԱՆ
