ՀՀ վարչապետ Նիկոլ Փաշինյանն իր ֆեյսբուքյան էջում գրառում է արել. «Որքան էլ ակնհայտ է, որ մեր օրակարգի առաջնահերթությունները կապված են արտաքին մարտահրավերների հետ, այնուամենայնիվ պիտի արձանագրեմ, որ ՏԻՄ ընտրությունների այս որակը, երբ քաղաքացին Տեր է եւ Որոշող, մեր վաղեմի երազանքն է՝ ի կատար ածված:
Գիտեմ եւ հասկանում եմ տեսակետը, թե ավելի լավ է ընտրությունները կեղծվեին, բայց անվտանգության ավելի բարձր մակարդակ ունենայինք, բայց իմ համոզմունքը եղել է, կա եւ կլինի, որ հենց ընտրությունների կեղծման երկարամյա պրակտիկան է քայքայել 90-ականների սկզբին ձեւավորվող պետական դիմակայունության համակարգը եւ շղթայական ռեակցիաներով հանգեցնել անվտանգային աղետների:
Պետականություն եւ պետական ինստիտուտներ. սա պետք է լինի մեր Ապագայի երաշխիքը»:
Նշենք, որ ըստ «Քաղաքացիական պայմանագրի» հրապարակած տվյալների՝ նախնական տվյալներով 36 համայնքից ՔՊ-ն հաղթել է 25 համայնքներում՝ Արտաշատ, Գառնի, Հրազդան, Ծաղկաձոր, Թալին , Աշտարակ, Մարտունի, Սևան, Վայք, Ջերմուկ, Արմավիր, Էջմիածին, Մեծամոր, Բաղրամյան, Արաքս, Խոյ, Աշոցք, Ախուրյան, Ամասիա, Սպիտակ, Վարդենիս, Փամբակ, Նոյեմբերյան, Արթիկ, Արարատ։
Կարդացեք նաև
Սակայն Ախուրյանում ընդդիմադիրները համագործակցության հուշագիր կնքեցին ու ձեւավորելու են տեղական իշխանություն:
Նախնական տվյալներով ՔՊ-ն պարտվել է 11 համայնքներում`Նաիրի, Գավառ, Աբովյան, Ապարան, Մասիս, Փարաքար, Թումանյան, Վանաձոր, Նոր Հաճն, Եղեգնաձոր, Վեդի:
