Վանաձոր խոշորացված համայնքի՝ քվեարկության իրավունք ունեցող ընդհանուր 92.182 քաղաքացուց ընտրությանը մասնակցել է 33.199-ը կամ ընտրողների 36.01 տոկոսը: Այս պահին ընտրատեղամասերում սկսվել է հաշվարկների փուլը: Մի քանի ընտրատեղամասերի նախնական արդյունքներով Վանաձոր խոշորացված համայնքում հաղթում է «Մամիկոն Ասլանյան» դաշինքը:
Թիվ 23/47 ընտրատեղամասում «Մամիկոն Ասլանյան» դաշինքը հավաքել է 87 ձայն, «Քաղաքացիական պայմանագիր» կուսակցությունը՝ 47, իսկ ՀԱՍԿ-ը՝ 35:
Թիվ 23/13 ընտրատեղամասում «Մամիկոն Ասլանյան» դաշինքին ձայն է տվել 145 ընտրող, «Քաղաքացիական պայմանագիր» կուսակցությունը՝ 135, իսկ ՀԱՍԿ-ին՝ 94:
23/9 ընտրատեղամասում «Մամիկոն Ասլանյան» դաշինքի օգտին է քվեարկել 187 ընտրող, «Քաղաքացիական պայմանագիր» կուսակցության օգտին՝ 144 ընտրող, իսկ ՀԱՍԿ-ի օգտին քվեարկել է 59 ընտրող:
Կարդացեք նաև
Թիվ 23/42 ընտրատեղամասում կրկին առաջատարը «Մամիկոն Ասլանյան» դաշինքն է: Այստեղ դաշինքի օգտին քվեարկել է 247 քաղաքացի, «Քաղաքացիական պայմանագիր» կուսակցությանը ձայն է տվել 163 ընտրող, իսկ ՀԱՍԿ-ին՝ 70:
Թիվ 23/35 ընտրատեղամասում «Մամիկոն Ասլանյան» դաշինքը հավաքել է 266 ձայն, «Քաղաքացիական պայմանագիր» կուսակցությունը՝ 211, իսկ ՀԱՍԿ-ը՝ 59:
Հիշեցնենք՝ Վանաձոր համայնքի ավագանու ընտրություններին մասնակցում են 1 դաշինք եւ 9 կուսակցություն։ Ձեւավորվել է 63 ընտրական տեղամաս է, որից 58-ը՝ Վանաձորում, 3-ը՝ Գուգարքում, 1-ը՝ Շահումյանում եւ եւս 1-ը՝ Դարպաս համայնքում:
Տաթեւիկ ՂԱԶԱՐՅԱՆ
