Aravot.am-ը «Էջմիածին» դաշինքի թեկնածու, ցուցակը գլխավորող Սեւակ Խաչատրյանից հետաքրքրվեց՝ իսկապե՞ս մարդկանց տանում են ընտրատեղամասեր եւ ուղղորդում իրենց ընտրել, ինչպես պնդում է «Հայրենատէր» կուսակցության թեկնածու Ջիվան Աբրահամյանը:
Սեւակ Խաչատրյանը հետեւյալն ասաց. «Մենք իշխանական ռեսուրսներ չունենք, որ կարողանանք մարդկանց տներից հանել, ինչ-ինչ ազդեցություններով տանել ընտրատեղամասեր եւ ուղղորդել: Նման պահվածքը սովորաբար իշխանությանն է բնորոշ»:
Ապա հավելեց. «Իսկ եթե ինքը ՔՊ-ի հետ կռիվ ունի, թող ՔՊ-ի հետ կռիվ անի: Ինչպես ինքն է ընդդիմության անունից հանդես գալիս Նիկոլ Փաշինյանի իշխանության եւ ՔՊ-ի դեմ, շատ ավելի մեծ եռանդով ու ջանքով մենք ենք գործում: Իսկ ընդհանրապես ընտրապայքարը ցույց է տալիս, թե ով ում հետ է կամ ում դեմ է»:
Գոհար ՀԱԿՈԲՅԱՆ
