Մեր երկրում կորոնավիրուսային համավարակից բավական բարձր մահացությունը պայմանավորված է պատվաստումների ցածր ցուցանիշով ու քրոնիկ հիվանդությունների տարածվածությամբ: Այսօր կառավարության նիստից հետո տեղի ունեցած ճեպազրույցում ասաց առողջապահության նախարար Անահիտ Ավանեսյանը: Մահացության ռիսկն ավելացնում են բարձր ճնշումը, շաքարային դիաբետը եւ այլ հիվանդություններ:
Նախարարն ասաց, որ այդ պատճառով էլ շատ կարեւոր է, որ քրոնիկ հիվանդություններ ունեցող անձինք պատվաստվեն կորոնավիրուսի դեմ: Ըստ նրա պակաս կարեւոր չէ նաեւ 65-ից բարձր տարիքի քաղաքացիների պատվաստումը:
Լուսինե ԲՈՒԴԱՂՅԱՆ
