Այսօր, երբ առողջապահության նախարար Անահիտ Ավանեսյանը կառավարության նիստում ներկայացրեց կորոնավիրուսային իրավիճակը վարչապետ Նիկոլ Փաշինյանը հետաքրքրվեց՝ մահվան թվերի վիճակագրության հետ կապված եզրակացության հանգե՞լ են, թե՞ ոչ:
Ըստ վարչապետի, առողջապահության նախարարության եւ վիճակագրական կոմիտեի հրապարակած թվերի միջեւ 700-ով տարբերություն կա. «Երբ կառավարությունում ծառայողական քննությունն ավարտվի, ես հանձնարարել եմ, որ դատախազություն էլ ուղարկվի, որովհետեւ սկզբունքային հարց է պարզել, թե այդտեղ որեւէ չարամտություն եղե՞լ է, թե չի եղել: Եթե կա որեւէ չարամտություն, որն առաջացնում է պատասխանատվություն, պետք է հետեւողական լինենք, իսկ, եթե պարզվի, որ տեխնիկական հարց է, դա առիթ է, որպեսզի համակարգում եղած բացերը փակենք»:
Լուսինե ԲՈՒԴԱՂՅԱՆ
