«Մեր դիտարկմամբ՝ վերանայված բյուջեով սահմանված ցուցանիշները կկատարվեն: Հնարավոր է՝ նաեւ գերակատարվեն։ Այս պահի դրությամբ ունենք ցուցանիշ՝ տրիլիոն 581 միլիարդ բյուջեի եկամտային հատված։ Այդ թիվը, կարծում ենք, ոչ միայն իրատեսական է, այլեւ որոշակի գերակատարում ունենք»,-խորհրդարանում լրագրողների հետ ճեպազրույցում այսօր անդրադառնալով հարկային հավաքագրման ցուցանիշին՝ ասաց ՊԵԿ նախագահ Ռուստամ Բադասյանը։
Լրագրողները հետաքրքրվեցին՝ գերակատարումը գնաճի հաշվի՞ն է։ «Բնականաբար, գնաճն ազդեցություն ունի հարկային հավաքագրումների վրա, բայց եթե 2021թ․-ը համեմատենք 2019թ․-ի հետ, ապա 2019թ․-ի ցուցանիշները բարելավվում են»,-պատասխանեց Ռուստամ Բադասյանը։
Նրա խոսքով՝ 2019թ․-ը հարկային եկամուտների առումով ռեկորդային տարի էր․ «Գնաճի ազդեցության վերաբերյալ որոշակի ուսումնասիրություն ենք արել։ Ավել հավաքագրված գումարի նկատմամբ այն 3,2-3,4%-ի ազդեցություն ունի»։
Լուիզա ՍՈՒՔԻԱՍՅԱՆ
Կարդացեք նաև
