«Իշխանասարի բավականին մեծ մասում այսօր նստած են Ադրբեջանի զորքերը»,- «Հայելի» մամուլի ակումբում լրագրողների հետ հանդիպման ընթացքում, անդրադառնալով այն տեղեկություններին, թե ադրբեջանական զորքերը հետ են քաշվել Հայաստանի ինքնիշխան տարածքից, ասաց «Սև հովազներ» ջոկատի հրամանատար Ռուստամ Գասպարյանի եղբայր Սերոբ Գասպարյանը:
Նա շարունակեց. «Ինձ հասած տեղեկություններով՝ այնտեղ մի քիչ այլ կարգի են դիրքերը, որ իրար մեջ են նստած թուրքերը մեր զինվորների հետ: Ընդամենը մի փոքր կարգավորվել է: Մի փոքր հետ են քաշվել, որ նախկին դիրքերը մնան չեզոք գոտի: Ընդամենը սա է տեղի ունեցել, և ինչպես տարիներ շարունակ սուտ մանիպուլյացիաներով կերակրեցին մեր ժողովրդին, ստեցին, և այսօր նույնն է կատարվում: Ամենացավալին այն է, որ մեր՝ հայկական տարածքները այսօր նորից վերագրում են, որ Սովետական Ադրբեջանի տարածք է»:
Ըստ Սերոբ Գասպարյանի, ադրբեջանական զորքերը մնացել են իրենց դիրքերում՝ Իշխանասարում. «Փոխարենը ներկայացնենք մեր պահանջները, մենք վերածվել ենք ագրեսորի: Եվ իշխանական թևից շատ-շատերը խոսում են, թե իբր թե 30 տարի մենք ուրիշի տարածքներ ենք օգտագործել՝ սրանով նպաստելով թշնամուն, որ վաղը, մյուս օրը իրենք հայտ ներկայացնեն մեր տարածքները օգտագործելու փոխհատուցում որպես ուզեն: Բայց մենք հարյուրամյակներ շարունակ խնդրել ենք տարբեր երկրների, տարբեր պետությունների, որ ճանաչեն Ցեղասպանությունը»:
Կարդացեք նաև
Ամի ՉԻՉԱԿՅԱՆ
