Երևան քաղաքի ընդհանուր իրավասության դատարանում (նախագահող դատավոր Ալեքսեյ Սուքոյան) նոյեմբերի 29-ին տեղի ունեցավ ՀՀ երկրորդ նախագահ Ռոբերտ Քոչարյանն ընդդեմ ՀՀ վարչապետ Նիկոլ Փաշինյանի քաղաքացիական հայցի գործով դատական նիստը:
Հիշեցնենք՝ ՀՀ երկրորդ նախագահ Ռոբերտ Քոչարյանի փաստաբանական թիմը հայց է ներկայացրել ընդդեմ Հայաստանի Հանրապետության և ՀՀ վարչապետ Նիկոլ Փաշինյանի։ Հայցի հիմքում՝ Նիկոլ Փաշինյանի՝ ս․թ․ մարտի 1-ին Երևանի Հանրապետության հրապարակում հրավիրված հանրահավաքի ընթացքում հնչեցրած արտահայտություններն են։ Պաշտպանները պահանջում են որպես զրպարտություն համարել Փաշինյանի արտահայտությունները, հերքել դրանք և ճանաչել նախագահի անմեղության կանխավարկածը։ Խախտումների համար պահանջվող փոխհատուցման ընդհանուր չափը կազմում է 4 մլն դրամ։
Սա Ռոբերտ Քոչարյանի՝ ընդդեմ Նիկոլ Փաշինյանի ներկայացված երրորդ հայցն է:
Aravot.am-ի հետ զրույցում Ռոբերտ Քոչարյանի ներկայացուցիչ Հայկ Ալումյանը տեղեկացրեց՝ դատական նիստի ընթացքում ժամանակ է խնդրել ապացույցներին ծանոթանալու և իր դիրքորոշումը հայտնելու համար:
Կարդացեք նաև
Հաջորդ դատական նիստը տեղի կունենա 2022 թվականի հունվարի 18-ին՝ ժամը 16:30-ին:
Տաթև ՀԱՐՈՒԹՅՈՒՆՅԱՆ
