Այսօր Սոչիում կայացած բանակցությունների արդյունքում եռակողմ հանդիպման ամփոփիչ հայտարարության ներկայացման ժամանակ Ռուսաստանի նախագահ Վլադիմիր Պուտինը Հայաստանի վարչապետ Նիկոլ Փաշինյանին և Ադրբեջանի նախագահ Իլհամ Ալիևին ձիթենու ճյուղեր նվիրեց:
«Ինձանից ձախ դուք տեսնում եք մեր նվերը և´ հայ ընկերներին, և´ ադրբեջանցի ընկերներին. ձիթենու ճյուղ, որը խորհրդանշում է խաղաղություն եւ բարեկեցություն: Ես հույս ունեմ, որ այսօրվա պայմանավորվածությունները կկատարվեն եւ պայմաններ կստեղծեն Հարավային Կովկասում ընդհանուր առմամբ հարաբերությունների կարգավորման գործում հաջորդ քայլերի համար», նշեց Պուտինը ՝ դիմելով Փաշինյանին և Ալիևին:
