Ադրբեջանի և Հայաստանի միջև սահմանազատումը պետք է իրականացվի Ռուսաստանի պաշտպանության նախարարության տրամադրության տակ եղած խորհրդային քարտեզների հիման վրա: Այս մասին հայտարարել է Ռուսաստանի Դաշնային խորհրդի նախագահ Վալենտինա Մատվիենկոն Սանկտ Պետերբուրգում՝ ԱՊՀ Միջխորհրդարանական վեհաժողովի հարթակում Ադրբեջանի խորհրդարանի խոսնակ Սահիբա Ջաֆարովայի հետ հանդիպմանը:
Նրա խոսքով՝ այլ փաստաթղթեր, որոնք հստակ տարանջատում են Ադրբեջանի և Հայաստանի սահմանները, չկան:
«Բայց բանակցությունները հեշտ չեն ընթանում: Ըմբռնում և համաձայնություն կա, բայց գործընթացը դանդաղ է ընթանում: Այդ պատճառով շարունակվում է որոշակի լարվածությունը: Մենք շահագրգռված ենք Անդրկովկասում խաղաղությամբ և կայունությամբ և դրա համար ամեն ինչ կանենք»,- ասել է Մատվիենկոն:
Նա ընդգծել է, որ «այսօր գլխավոր խնդիրն է սահմանազատումն անել այնպես, որպեսզի ոչ մեկի մոտ ռազմական գործողությունները վերսկսելու ցանկություն չառաջանա»:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
