«Ո՞նց է ստացվում, էր արդարադատության նախարարությունը կարգապահական վարույթներ է հարուցում բացառապես այնպիսի դատավորների նկատմամբ, որոնք վայելում են հանրային եւ մասնագիտական հանրույթի վստահությունը»,- այսօր հրավիրած ասուլիսում ասաց «Հայաստան» խմբակցության պատգամավոր Արամ Վարդեւանյանը:
Հիշեցնենք, որ դատարաններում գործերի՝ օրենքով սահմանված կարգով բաշխման խախտմամբ, ինչպես նաեւ արդարադատության նախարարի կողմից դատավորների նկատմամբ կարգապահական վարույթների հարուցմամբ արդար դատաքննությանը խոչընդոտող փաստերն ուսումնասիրելու նպատակով օրենքի ուժով ընդդիմության նախաձեռնությամբ ստեղծվել է ԱԺ քննիչ հանձնաժողով:
Արամ Վարդեւանյանն ասաց, որ ՔՊ-ականների ներկայությունից ազատվել են, որպես հրավիրյալներ կմասնակցեն «Պատիվ ունեմ» եւ «Հայաստան» խմբակցությունների անդամները: Քննիչ հանձնաժողովն այսօր արդեն իսկ դիմումներ է հասցեագրելու ԲԴԽ նախագահ Գագիկ Ջհանգիրյանին եւ արդարադատության նախարար Կարեն Անդրեասյանին՝ խնդրելով, որ ներկայանան ԱԺ եւ պատասխանեն հարցերին:
Վարդեւանյանը հեգնեց, որ իրավաբաններով նույնիսկ մտածում են, որ պատռեն իրենց դիպլոմները, որովհետեւ նույն դիպլոմից ունի նաեւ դատավոր Արմեն Դանիելյանը. «Արմեն Դանիելյանը կարողանում է մարդ կալանավորի, բայց հարց է առաջանում՝ այլ բան կարողանո՞ւմ է անի, թե՞ ոչ»:
Կարդացեք նաև
Քննիչ հանձնաժողովը գործունեության ավարտին ներկայացնելու է զեկույց:
Հռիփսիմե ՋԵԲԵՋՅԱՆ
