«Նոյեմբերի իննի դավաճանական փաստաթղթի ստորագրումից հետո քննարկվում էր Կովսական-Օրդուբադ ճանապարհի հարցը, որին շատ կտրուկ արձագանքեցին Իրանի իշխանությունները, եղան սպառնալիքներ, զորքերի կուտակումներ։ Հետո իրանական զորքը հեռացավ սահմանից։ Ի՞նչ կատարվեց։ Իմ ընկալմամբ՝ սա նշանակում է, որ Իրանը ստացավ որոշ երաշխիքներ։
Ո՞ւմ կողմից եւ ոնց, չեմ կարող ասել»,-լրագրողների հետ ճեպազրույցում այսօր ասաց Սյունիքի նախկին մարզպետ, «Հայաստան» դաշինքի պատգամավոր Վահե Հակոբյանը։
«Անգեղակոթ-Շաղատ ճանապարհը մեկ ամիս առաջ սկսած՝ կառուցվում է ինտենսիվ տեմպերով։ Դրա հաջորդ հատվածը Նախիջեւանի սահմանն է։ Ադրբեջանցիներն արդեն իսկ կառուցել-վերջացրել են մաքսային տերմինալ։ Ոչ թե անցակետ, այլ տերմինալ՝ «կարգո», պահեստներ․․․հիմա ադրբեջանցիների ակտիվությունը հենց այդ հատվածում իրավունք է տալիս մեզ առնվազն մտածելու, որ այդտեղով փորձելու են ճանապարհ ստանալ։ Դրա համար Նիկոլի պատգամավորները զրոյական կետից են խոսում։ Մոսկվային շրջանցելո՞վ պայմանավորվեցին»,-հարցադրում արեց Վահե Հակոբյանը։
Կարդացեք նաև
Լուիզա ՍՈՒՔԻԱՍՅԱՆ
